ग्लोबल आईएमई बैंक लिमिटेडले आकर्षक व्याजदरमा कर्जा प्रवाह गर्ने योजना ल्याएको जनाएकाे छ।
सस्तो तथा सरल किस्ताबन्दीमा घर निर्माण गर्न, घर, जग्गा तथा गाडी किन्न र शेयरको धितोमा कर्जा लिन ब्यांकले यो योजना ल्याएको जनाएको हाे।
ग्लोबल घर कर्जा अन्तर्गत सेवाग्राहीले २५ वर्षसम्मको अवधिका लागि ८.७५ प्रतिशत व्याजदरमा घरजग्गा कर्जा लिन पाउने र यस कर्जाको व्याजदर १ वर्षसम्म स्थिर रहने जनाइएको छ।
यसैगरी बैंकले ८.९९ प्रतिशतमा गाडी कर्जा र ९.४९ प्रतिशतमा शेयरको धितोमा कर्जा प्रवाह गर्ने विज्ञप्तिमा जनाएको छ।
यस योजनामा सहभागी हुने सेवाग्राहीलाई डेबिट/क्रेडिट कार्ड जारी शुल्कमा ५० प्रतिशत छुट र लकर सुविधामा ५० प्रतिशत छुट प्रदान गरिने बताएकाे छ।
कर्जा लिन चाहनेले आवश्यक कागजातहरु ब्यांकमा पेश गरेको ३ कार्य दिनभित्र कर्जा प्राप्त गर्न सक्ने विज्ञप्तिमा जनाएको छ।
