पाँच पटकको च्याम्पियन बायर्न म्यूनिख फेरी च्याम्पियन्स लिगको फाइनलमा पुगेको छ । गएराती सम्पन्न सेमिफाइनलमा लियोनलाई पराजित गर्दै बायर्न एघारौंपटक फाइनलमा पुगेको हो ।
बार्सिलोना विरुद्ध कीर्तिमानी जित निकाल्दै सेमिफाइनल पुगेको बायर्नले लियोन विरुद्ध सहज जित निकाल्यो । पहिलो हाफमै दुई गोलको अग्रता लिएको बायर्नले लियोनलाई ३-० गोल अन्तरले पराजित गरेको हो ।
खेलको ८८औं मिनेटमा बायर्नका तर्फबाट लेवान्डोस्की यो सिजनका सर्वाधिक गोल गर्ने खेलाडी भएका छन् । जर्मन च्याम्पियन बायर्न म्युनिखले अब फ्रेन्च च्याम्पियन पीएसजीसँग युईएफए च्याम्पियन लिगको फाइनल खेल आइतबार राती लिस्वेनमा खेल्नेछ । -रासस
