राष्ट्रिय फुटबल टोलीका पूर्व प्रशिक्षक राजुकाजी शाक्य आफ्नो पूर्व क्लब न्युरोड टिम (एनआरटी) मा आबद्ध भएका छन् ।
शाक्यले यो सिजनको सहिद स्मारक ए डिभिजन लिगका लागि एनआरटीमा प्रशिक्षकको जिम्मेवारी पाएका हुन् । शुक्रबार शाक्यले क्लबसँगको सम्झौता पत्रमा हस्ताक्षर गरेका हुन् ।
यसअघि पटक–पटक गरी शाक्यले एनआरटीमा झण्डै १२ वर्ष प्रशिक्षकको जिम्मेवारी सम्हालिसकेका छन् । अघिल्लो वर्ष शाक्यले च्यासल युथ क्लबको प्रशिक्षका रुपमा ए डिभिजन लिगमा काम गरेका थिए । यता, एनआरटीमा भने अघिल्लो वर्ष महेश्वर मुल्मीले प्रशिक्षण गरेका थिए ।
