काठमाडौं– वुमन्स च्याम्पियन्स लिग (डब्लुसील) टी–२० क्रिकेट प्रतियोगिताको उपाधिका लागि काठमाडौं क्विन्स र चितवन राइनोज भिड्ने भएका छन् ।
कीर्तिपुरस्थित त्रिवि मैदानमा मंगलबार भएको इलिमिनेटर खेलमा विराटनगर टाईटन्सलाई ९ विकेटले पराजित गर्दै काठमाडौं फाइनलमा पुगेको हो । चितवन यसअघि नै फाइनलमा पुगेको हो ।
डब्लुसिएलको फाइनल ७ गते काठमाडौंले चितवन राइनोजसँग खेल्नेछ । चितवन लिगको शीर्ष स्थानमा रहँदै यसअघि फाइनल पुगिसकेको थियो ।
काठमाडौंसँग पराजित भएसँगै विराटनगरभने घर फर्किएको छ । विराटनगरले दिएको ६९ रनको सामान्य लक्ष्य काठमाडौंले ९ ओभर ५ बलमा १ विकेट गुमाएर पुरा गरेको हो ।
काठमाडौंका लागि कप्तान रुबिना क्षेत्रीले अविजित ३४ रन जोड्दा अप्सरी बेगमले अविजित २७ रनको योगदान गरिन् । रोमा थापा सुन्य रनमा पेभेलियन फर्किइन । काठमाडौंविरुद्ध विराटनगरकी सोनु खड्काले १ विकेट लिईन् ।
यस अघि टस जितेर पहिले ब्याटिङ गरेको विराटनगरले १७ ओभर ३ बलमा सबै विकेट गुमाएर ६८ रन बनाएको थियो ।
विराटनगरका लागि सोनु खड्काले सर्वाधिक ३४ रन जोडिन् ।
यस्तै ज्योति पाण्डेले १२ तथा आरती बिडारीले ११ रन जोडिन् । विराटनगरलाई सस्तैमा समेट्न काठमाडौंकी कप्तान रुबिना क्षेत्रीले ४ विकेट लिइन् ।
प्रतियोगिताको विजेता टोलीले ७ लाख रुपैयाँ पाउने छन् । उपविजेता टोलीले तीन लाख रुपैयाँ प्राप्त गर्नेछ।
