सानिमा क्यापिटलको सीईओमा भिष्मराज चालिसे नियुक्त भएका छन । यसअघि सिटी एक्प्रेस फाइनान्सका सिईओ रहेका चालिसे यही मंसिर २ गतेदेखी सानिमा क्यापिटलको सिईओमा ज्वाइन गरेका हुन ।
सिटी एक्प्रेस फाइनान्स नेपाल इन्भेष्टमेन्ट बैंकमा गाभिन लागेपछि चालिसेले तिहारअघिनै कम्पनी छाडेका हुन । मर्चेन्ट बैंकिङमा अनुभवी चालिसे कोर बैंकिङमा पनि उत्तिकै अनुभवी छन ।
एस डेभलपमेन्ट बैंकबाट करिअर सुरु गरेका चालिसेले त्यहाँ १३ वर्ष विताएका थिए । त्यसपछि काष्ठमण्डप डेभलपमेन्ट बैंकमा २ वर्ष काम गरेपछि चालिसे मर्चेन्ट बैंकिङतिर लागेका हुन ।
सिभिल क्यापिटलमा ९ वर्ष काम गरेका चालिसे २ वर्ष विओके क्यापिटलको सीईओ भएर काम गरे । त्यसपछि फेरी सिटी एक्प्रेस फाइनान्सको सीईओ भएर साँढे २ वर्ष काम गरेका चालिसे हालै सानिमा बैंकको सहायक कम्पनी सानिमा क्यापिटल ज्वाइन गरेका हुन ।
