कोरोना भाइरसको सङ्क्रमणबाट विहिवार थप ९ सय ४७ जना सङ्क्रमणमुक्त भएका छन् ।
यो सँगै हाल सम्म कोरोना सङ्क्रमणमुक्त हुनेको सङ्ख्या २ लाख ४० हजार ३ सय ६३ पुगेको स्वास्थ्य तथा जनसङ्ख्या मन्त्रालयले जनाएको छ ।
यसै गरी विहिवार थप ७ सय ७६ जनामा संक्रमण पुष्टि भएपछि नेपालमा कोरोना संक्रमण हुनेको कूल सङ्ख्या २ लाख ५१ हजार ६ सय ९२ पुगेको छ ।
६ हजार ५ सय ८८ वटा नमुना परीक्षण गर्दा ३ सय ८ जना महिला तथा ४ सय ६८ जना पुरुषमा संक्रमण पुष्टि भएको मन्त्रालयले जनाएको छ ।
हिजो देशभर गरी जम्मा ९ हजार ५ सय ८० जना कोरोना भाइरसका सक्रिय संक्रमित रहेका छन् भने निको हुने दर ९५ दशमलव ५ प्रतिशत पुगेको छ ।
यस्तै थप ६ जनाको मृत्यु भएपछि हाल सम्म कोरोनाका कारण ज्यान गुमाउनेको सङ्ख्या १ हजार ७ सय ४९ पुगेको स्वास्थ्य तथा जनसङ्ख्या मन्त्रालयले जनाएको छ ।
