अभिनेता भुवन केसी अभिनित फिल्म ‘मिस्टर नेपाली’ को ट्रेलर सार्वजनिक गरिएको छ। ट्रेलरमा भुवनलाई दोहोरो भूमिकामा प्रस्तत छन्। ट्रेलर अनुसार फिल्ममा भुवन नायक र खलनायक दुवै भूमिकामा देखिएका छन्।
देव भुषालले लेखन, निर्देशन तथा उनकै पटकथा र संवाद रहेको फिल्ममा भुवनका साथमा रिमा विश्वकर्मा, विष्णु सापकोटा, रवि डंगोल, कमलमणी नेपाल, नन्दु श्रीवास्तवलगायतको अभियन छ।
फिल्ममा साहिल श्रेष्ठ र कुसुम राउतको डेब्यू अभिनय देख्न सकिन्छ।
निरज कँडेलको छायाँकन, कविराज गहतराजको कोरियोग्राफी रहेको फिल्ममा प्रेमराज दाहालको लगानी छ। विदेशमा बस्ने नेपालीको देशप्रतिको माया र स्थानीय स्तरमा राजनीतिलाई टेकेर हुने शोषणमा फिल्म आधारित रहेको तथा फिल्मले राष्ट्रियता, प्रेम र पारिवारिक कथालाई उठान गरिएकाले फिल्म उत्कृष्ट बनेको निर्देशक भुषालले दाबी छ।
यता अभिनेता भुवन केसी ७ वर्षपछि ठूलो पर्दामा कमब्याक गर्दैछन्। कुनै समय नेपाली फिल्म उद्योगमा एकछत्र राज गरेका भुवन फिल्म ‘मिस्टर नेपाली’बाट दर्शकमाझ आफ्नो पुरानो क्रेज फर्काउने ध्याउन्नमा छन्।
ट्रेलर यस्तो छ …
