आज थप १ सय ७ जनामा कोरोना भाइरस सङ्क्रमण पुष्टि भएको छ ।
देशभर ३ हजार २ सय ५४ वटा नमुनाको परीक्षण गर्दा १ सय ७ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
योसँगै नेपालमा हालसम्म कोरोना भाइरसबाट सङ्क्रमित हुनेको सङ्ख्या २ लाख ७५ हजार ६ सय २५ पुगेको छ ।
यस्तै आज ६० जना कोरोना भाइरसको सङ्क्रमणबाट मुक्त भएका छन् । योसँगै हालसम्म कोरोना सङ्क्रमणमुक्त हुनेको सङ्ख्या २ लाख ७१ हजार ६ सय १० पुगेको छ ।
कोरोना सङ्क्रमणका कारण आज १ जनाको मृत्यु भएको छ । योसँगै कोरोना सङ्क्रमणपछि मृत्यु हुनेको सङ्ख्या ३ हजार १५ पुगेको स्वास्थ्य मन्त्रालयले जनाएको छ ।
