विहिवार देशभर कोरोना भाइरसबाट २ हजार ४ सय ७४ जना संक्रमित भएका छन् ।
७ हजार २ सय ३५ वटा नमुनाको पीसीआर विधिबाट परीक्षण गर्दा १ हजार ५ सय ७७ जना तथा ४ हजार ९ सय ९७ वटा नमुनाको एन्टीजेन विधिबाट परीक्षण गर्दा ८ सय ९७ जना गरी जम्मा २ हजार ४ सय ७४ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
देशभरबाट गएको २४ घण्टामा २ हजार ५ सय १८ जना कोरोना सङ्क्रमणबाट निको भएर घर फर्किएका छन् ।
यो सँगै कोरोना सङ्क्रमणबाट अहिलेसम्म ५ लाख ७० हजार ९ सय ५८ जना निको भएका छन् ।
विहिवारसम्मको तथ्याङ्क अनुसार नेपालमा कोरोना भाइरसबाट निको भएको दर ९० दशमलव ७ प्रतिशत रहेको मन्त्रालयले जनाएको छ ।
देशभरि विहिवार कोरोना सङ्क्रमणबाट २४ जनाको मृत्यु भएको मन्त्रालयले जनाएको छ ।
यो सँगै कोरोना सङ्क्रमणबाट मृत्यु हुनेको सङ्ख्या ८ हजार ९ सय १८ पुगेको स्वास्थ्य तथा जनसङ्ख्या मन्त्रालयले जनाएको छ ।
