श्रम स्वीकृति लिने घटे : रोजगारीमा जानेको सङ्ख्या बीस हजारको हाराहारीमा कमी

गएको असोजमा वैदेशिक रोजगारीका लागि श्रम स्वीकृति लिनेको सङ्ख्या आधाले घटेको छ । वैदेशिक रोजगार विभागका अनुसार असोज महिनामा १७ हजार ६०७ पुरुष र एक हजार १६४ महिला गरी १८ हजार ७७१ जनाले अन्तिम श्रम स्वीकृति लिएका छन् ।
गएको भदौ महिनामा ३८ हजार ७०४ जनाले अन्तिम श्रम स्वीकृति लिएका थिए । जुन सङ्ख्या असोज महिनामा वैदेशिक रोजगारीमा जानेको सङ्ख्या भदौको भन्दा १९ हजार ९३ जना कमी हो । विभागका अनुसार असोज महिनामा सबैभन्दा बढी कतार र साउदी अरबका लागि बढी श्रमस्वीकृति लिएका छन् ।
सो महिनामा ३४ महिला र ६६७ पुरुष गरी ७११ जना कोरिया गएका छन् । भदौमा एक हजार ५७ पुरुष र ८६ महिला गरी एक हजार १४६ जना कोरिया गएका थिए ।