थप १ हजार २ सय ६८ जनामा भाइरस संक्रमण पुष्टि
आज देशभर थप २ हजार १ सय ९५ जना कोरोना सङ्क्रमणमुक्त भएका छन् ।
यो सँगै हालसम्म ७ लाख २६ हजार संक्रमित निको भइसकेका छन् भने निको हुने दर ९४ दशमलव ५ प्रतिशत रहेको स्वास्थ्य तथा जनसङ्ख्या मन्त्रालयले जनाएको छ ।
यस्तै आज थप १ हजार २ सय ६८ जनामा भाइरस संक्रमण पुष्टि भएको छ ।
आज ६ हजार ७ सय ५३ नमुनाको पिसिआर परीक्षण गर्दा १ हजार २४ जना तथा ३ हजार १ सय २२ नमुनाको एन्टिजेन परीक्षण गर्दा २ हजार ४४ जनामा संक्रमण पुष्टि भएको छ ।
यस्तै आज थप ९ जनाको मृत्यु भएपछि कोरोना सङ्क्रमणका कारण मृत्यु हुनेको कूल सङ्ख्या १० हजार ८ सय १८ पुगेको छ ।
मन्त्रालयको तथ्याङ्क अनुसार आज देशभरमा गरी जम्मा ३१ हजार ८ सय २६ जना कोरोनाका सक्रिय संक्रमित रहेका छन् भने १ लाख ७ हजार ५ सय ९८ जनाले कोरोना विरुद्धको खोप लगाएका छन् ।
