नेपाली बजारमा आज सुनको मूल्य स्थिर रहेको छ । शुक्रवारको कारोबार मूल्यका आधारमा आज सुनको मूल्य स्थिर रहेको हो ।
छापावाल सुन शुक्रवार रु ८९ हजारमा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको तथ्याङ्कअनुसार आज छापावाल सुनको मूल्य प्रतितोला रु ८९ हजार र तेजाबी सुनको मूल्य प्रतितोला रु ८८ हजार ५५० कायम गरिएको छ । तेजाबी सुन शुक्रवार प्रतितोला रु ८८ हजार ५५०मा कारोबार भएको थियो ।
महासङ्घका अनुसार चाँदीको मूल्य शुक्रवारको तुलनामा रु १० ले घटेको छ । चाँदी शुक्रवार प्रतितोला रु एक हजार १६० मा कारोबार भएकामा आज रु एक हजार १५० तोकिएको हो ।
अन्तर्राष्ट्रिय बजारको सुनचाँदी कारोबार मूल्यका आधारमा नेपालमा महासङ्घले सुन तथा चाँदीको कारोबार मूल्य तोक्ने गर्दछ ।
