आज देशभर ३ सय १८ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
७ हजार ७ सय ४३ नमुना परीक्षण गर्दा ३ सय १८ जनामा संक्रमण पुष्टि भएको हो ।
यस्तै आज ५ सय ६२ जना संक्रमित निको भएका छन् भने हालसम्म ९७ दशमलव ८ प्रतिशत संक्रमित निको भइसकेको छन् ।
आज संक्रमित एकको मृत्यु भएको छ योसँगै नेपालमा हालसम्म कोरोना सङ्क्रमणका कारण ११ हजार ९ सय ३१ जनाको मृत्यु भइसकेको छ ।
हाल देशभर ९ हजार ६ सय ७८ सक्रिय संक्रमित रहेका छन् । आज एक लाख १५ हजार ४ सय ६ जनाले कोरोना विरुद्धको खोप लगाएको स्वास्थ्य मन्त्रालयले जनाएको छ ।
