नेपालमा कोरोना संक्रमणदर दैनिक घटिरहेपनि जोखिम भने उच्च नै रहेको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका सह प्रवक्ता डा.समीर अधिकारीले छिमेकी देशहरूमा बढिरहेको कोरोना संक्रमणदर नेपालमा घटे पनि जोखिम भने उच्च रहेको बताउनुभयो ।
आगामी वैशाख ३० गते हुने स्थानीय तह निर्वाचनमा मानिसको ओहोर दोहोर तथा भिडभाड बढ्ने भएकाले सङ्क्रमणप्रति नागरिकहरू आफै सचेत हुनुपर्ने सह प्रवक्ता डा. अधिकारीले बताउनुभयो ।
यस्तै, सह प्रवक्ता अधिकारीले कोरोना विरुद्धको पूर्ण मात्रा तथा बुस्टर खोप लगाउन सबैमा आग्रह गर्नुभयो ।
यसैगरी, आज १४ जनामा कोरोना संक्रमण पुष्टि भएको छ । २ हजार ७ सय ७१ नमुना परिक्षण गर्दा १४ जनामा संक्रमण पुष्टि भएको मन्त्रालयले जनाएको छ ।
गत २४ घन्टमा १९ जना सङ्क्रमणमुक्त भएका छन् ।
देशभरि २ सय ४३ सक्रिय संक्रमित रहेको मन्त्रालयले जनाएको छ ।
