~शोभा पाण्डेय / सिलवाल
आमाबुबा ,दाजुभाइ , दिदीबहिनी हेर
अमूल्य मत देऔँ हाम्ले नफालेर खेर।
पाँच वर्षमा आउने चुनाब सफल पार्नुपर्छ
योग्य व्यक्ति छान्न सके देशले मुहार फेर्छ।
बुढाखाडा नेतालाई पाखा लाउनुपर्छ
देश हाँक्न युवालाई भोट हाल्नुपर्छ ।
डाक्टर,नर्स,इन्जिनियर युरोप ,अमेरिका
युवाशक्ति अरब,कतार गाउँ भयो फिका।
मासुभातमा नबिकौँ है भोट हाल्ने बेला
गोप्य हुन्छ मतदान नगर्नुस् है रेला ।
पार्टीभन्दा योग्य व्यक्ति देशलाई चाहिएको छ
रवि, सागर जस्ता युवा छान्न पाइएको छ ।
पाँच वर्षमा विमान चढी भोट माग्नेलाई
मतदाता ,धरौटी नि फिर्ता नहोस् है ।
अझै छैन अस्पताल, बाटो अनि पुल
फेरि यिनलाई भोट दिने नगरौँ है भुल ।
भिजन भाको युवाशक्ति पालो आउनुपर्छ
यो पटकलाई व्यक्ति फेरौँ हेरौँ के के गर्छ ?
मतदाता शिक्षा लिऔँ नमानेर झर्को
भोट हालौँ बदर नहोस् मतपत्र हाम्रो।
चुनाव हो यो नेपालीको महान् चाहाड
सबको मनमा छाओस् रौनक आओस् मनमा बहाड।
