सहिद स्मारक ‘बी’ डिभिजन लिग फुटबल चैत १५ गतेबाट सुरु हुने भएको छ ।
अखिल नेपाल फुटबल संघ (एन्फा) र ‘बी’ डिभिजन क्लबबिच मङ्गलवार बसेको बैठकले चैत १५ गतेबाट लिग गर्न सहमति भएको हो ।
एन्फाले ‘बी’ लिग क्लबलाई दिँदै आएको तयारी खर्च समेत बढाएको छ । एन्फाले तयारी खर्च बापत क्लबलाई १४ लाख ५० हजार दिने निर्णय गरेको छ । क्लबले माघ २९ गतेसम्म नाम दर्ता गर्नुपर्ने एन्फाले जनाएको छ । त्यस्तै चैत ७ गतेसम्म क्लबले कम्तीमा २० खेलाडीको नाम दर्ता गर्नु पर्नेछ । –रासस
