एशिया कपको सुपर चारको समीकरण पुरा भएको छ ।
समुह ए बाट पाकिस्तान र भारत तथा समुह बी बाट श्रीलंका र बंगलादेश सुपर चारमा पुगेसँगै सुपर चारको समिकरण पुरा भएको हो । त्यस्तै समुह ए बाट नेपाल र समुह बि बाट अफगानिस्तानको समुह चरणमै एशिया कपको यात्रा समाप्त भएको छ ।
अब सुपर चारका खेल बुधबारदेखि नै शुरु हुने छन् । बुधबार सुपर चार अन्तर्गत पाकिस्तान र बंगलादेशबीच खेल हुने छ भने सेप्टेम्बर ९ मा श्रीलंका र बंगलादेश भिड्ने छन् ।
त्यस्तै सेप्टेम्बर १० मा पाकिस्तान र भारतबीच खेल हुने छ भने सेप्टेम्बर १२ मा भारत र श्रीलंकाबीच खेल हुने छ । त्यसैगरी सेप्टेम्बर १४ मा पाकिस्तान र श्रीलंकाबीच खेल हुने छ भने सेप्टेम्बर १५ मा भारत र बंगलादेश बीच खेल हुने छ ।
सुपर चारमा शिर्ष दुई स्थानमा रहने देश फाइनलमा पुग्ने छन् । फाइनल खेल सेप्टेम्बर १७ मा हुने छ । रासस
