आईसीसी टी-२० विश्वकप एसिया छनोटअन्तर्गत नेपालले समूह चरणको अन्तिम खेलमा आज ओमनसँग खेल्दैछ । आज बिहान ९ बजे कीर्तिपुरस्थित त्रिवि अन्तर्राष्ट्रिय क्रिकेट मैदानमा नेपाल र ओमनबीच खेल सुरू हुँदैछ ।
नेपाल र ओमनले सिंगापुर र मलेसियालाई हराउँदै एक खेलअघि नै अन्तिम चारमा स्थान सुरक्षित गरेका थिए ।
नेपालले सिंगापुरलाई ८ विकेटले पराजित गरेको थियो । त्यस्तै नेपालले मलेसियालाई ६ विकेटले पराजित गरेको थियो ।
ओमनले मलेसियालाई ३२ रनले हराएको थियो भने सिंगापुरलाई २२ रनले हराएको थियो । रासस
