यो निन्द्रा कति पर्छ होला किन्दा ?
किनेर भएनी निदाउन पाए,
कति मज्जा आउँदो हो बिहान बिउँझिदा।
ननिदाएको रात भयानक लाग्ने,
ट्वाल्ट्वाल्ती छर्लङ्ग पार्ने,
एक्लै आफेैसँग बात मार्ने,
केके बोल्छ बोल्छ।
निन्द्रा नपर्नु ,
रातले कालो आवरण ओढ्नु ,
मनभित्र कुरा हुरी झै चल्नु,
यो कस्तो ब्यथा ?
यो निन्द्रा कति पर्छ होला किन्दा ?
खर्चेर भएनी मसक्क सुत्दा,
कस्तो मज्जा आउँदो हो बिहान उठ्दा ।
गन्दा एक रात,
भोग्दा एक युग ,
उज्यालो हुन्जेल त दुइ युगै बित्ला।
कि निदरी अलिकता दिनु,
होइन भने सुर्य उदाइदिनु।
यादहरुको उडान
तीब्र गतिमा
फुत्तै दस बर्ष अगाडि ,
चुँईईय बीस बर्ष पछाडि
रकेटको स्पिडमा
होइन यो आज र अहिलेमा किन अडिदैन
यादहरु ब्रेकनै नलाग्ने सवारीमा घुम्दै
म भने मरिहत्ते गरि आँखा सिउदै
यो निन्द्रा कति पर्छ होला किन्दा
किनेर भए पनि निदाउन पाए
कति मज्जा आउदो हो बिहान बिउझिदा।।
