संस्कृति, पर्यटन तथा नागरिक उड्डयन मन्त्रालयले विभिन्न २८ जनालाई राष्ट्रिय तथा प्रादेशिक प्रतिभा पुरस्कार प्रदान गरेको छ ।
काठमाडौंमा आज (बिहीबार) आयोजित कार्यक्रममा मन्त्रालयले पर्यटन तथा संस्कृति क्षेत्रमा योगदान गर्ने २८ जनालाई फरक-फरक विधामा पुरस्कृत गरेको हो ।
भाषा एवं साहित्य विधातर्फ खोटाङका रामविक्रम थापा, अछामका आरपी तिमिल्सिनासहित सात जनालाई पुरस्कृत गरिएको छ ।
त्यस्तै संस्कृति विधातर्फ सात र ललितकलातर्फ सात जनालाई राष्ट्रिय प्रतिभा पुरस्कार दिएको हो । संगीत तथा नाट्य विधातर्फ कलाकार सरिता गिरी, सागर लम्साल, सुरज पण्डितलगायत पुरस्कृत हुनुभएको छ ।
रासस
