बाढी पीडितहरूलाई सहयोग गरौँ 

~ शोभा पाण्डेय/ सिलवाल

मनसुनको अन्त्य हुने  बेमौसमको झरी

चाडबाडको मुखमा हजुर बिचल्ली  नै पारी ।

प्रकृतिलाई जित्छु भन्दै मान्छे अगि बढे

विज्ञान हो कि विकृति हो सबले मनन गरे ।

रुख रोप्नु छैन कतै डाँडाकाँडा खने

भिरपाखा ,खेतजति घडेरी नै बने ।

परिणाम आज हेर कस्तो दिन आयो ?

नदीनाला उर्लिएर विनाश नै गर्यो ।

जताततै बाढीपैह्रो भाछ कोलाहल

गरिब जनता आफ्नो  जिउधन आफै नै सम्हाल ।

बचाउन आउँछन् भनी आशा गरी बसे

कोही आएनन् बचाउनलाई बाढीभित्र  पसे।

विपद् उद्धार समिति नि के हेरेर बस्यो ?

नेपाल सरकार र त झनै दुलैभित्र पस्यो

छैन चासो नेतालाई उस्लाई क्यै भाछैन

जनतालाई जे भए नि यिनलाई क्यै छुँदैन ।

बाढीपैह्रो जताततै सडक अवरुद्ध

नजाऊँ अबदेखि हामी प्रकृति विरुद्ध  ।

बाढी पीडितहरूलाई सबले सहयोग गरौँ

मुठीमुठी मद्दत गरी सबले घैला भरौँ ।

खोला , किनार घर नबनाई रुख धेरै रोपौँ

पीडितलाई साथदिन सबले कम्मर कसौँ ,सबले कम्मर कसौँ ।