मिलेर मनाऊँ चाड यो तिहार

~    शोभा सिलवाल,पाण्डेय

विदेशमा छन् दाजुभाइ ,

सम्झेर आउलान् नि हामीलाई ।

मखमली फूल ,सयपत्री फूल आँगन छेउ फुलेका,

दाजु र भाइ दिदी र बहिनी सबजना भुलेका।

वर्ष र दिनमा आउने चाड यो तिहार ,

मिलेर मनाऊँ जहाँ भए पनि बाँडेर पियार ।

सेलरोटी ,फिनी,झिलिङ्गा,ख्युनी, अर्स ,अनरसा,

झिलिमिली बत्ती लक्ष्मी पूजा खुसीको वर्षा ।

इन्द्रेणी सरि सात रङ्गी टीका दाइभाइको निधारमा,

सम्झेर रुन नपरोस् कोही अहिलेको तिहारमा ।

खुसीको चाड यो तिहार राम्रो माटोको पालैमा ,

अहिलेलाई यत्ति भेटौँला साथी आउने सालैमा ।