नेपाल प्रिमियर लिग (एनपिएल) को सवोत्कृष्ट नेपाली खेलाडी बन्दै ‘आमोडा एन्ड जेईको’ कम्पनीको कार पुरस्कार सुदूरपश्चिम रोयल्सका कप्तान दीपेन्द्रसिंह ऐरीले पाउनुभएको छ ।
उहाँले करिव ६२ लाख रुपियाँ बराबरको कार पुरस्कार पाउनुभएको हो । दीपेन्द्रले प्रतियोगिताभर कूल दुई सय २७ रन बनाउनुभएको थियो ।
टोलीलाई फाइनल यात्रासम्म लग्न महत्वपूर्ण भूमिका निभाउनुभएका ऐरीले बलिङमा नौ विकेट लिनुभएको थियो । उहाँले फाइनल खेलमा नौ रन बनाउनुभएको थियो भने एक विकेट लिनुभएको थियो ।
यस्तै उत्कृष्ट बलर बन्नुभएका विजेता टोली जनकपुरका बलर ललित राजवंशीले मोटरसाइकल पुरस्कार पाउनुभयो । रासस
