पुर्खाको नासो हाम्रो धर्म र संस्कृति

शोभा पाण्डेय / सिलवाल

चाड र पर्व,रीति र रिवाज, अमूल्य  सम्पत्ति

संस्कार राम्रा ,काज र क्रिया, चलनचलती ।

जन्म र मृत्यु, विवाह,न्वारन,संस्कृति कर्मका

नेपाली हामी ,छ हाम्रो कर्म , सहनसिलताका ।

नेपाल साझा,फूलबारी हजुर,विभिन्न जातिका

मिलेर बस्छन् ,धर्मावलम्बी,भाषा र भाषिका ।

दसैँ ,तिहार ,तिज र छठ ,ल्होसार, क्रिसमस

होली छ इद,माघी र रमजान, हर्ष र उल्लास ।

जाति र धर्म, चाड अनि पर्व रमाउने भावना

सबैले गर्छन् ,सम्मान सबलाई ,सद्भा

वको कामना ।

मन्दिर, चैत्य,मस्जिद,चर्च ,अमूल्य सम्पदा

होस्टेमा हैँसे ,संरक्षण गर्न ,देखाउँछन् मर्यादा ।

जनाबर,वृक्ष ,नदी र नाला,प्रकृति पुज्दछौँ

सारङ्गी, मादल, बजाउँदै  हामी, सोरठी नाच्दछौँ ।

वेद र पुराण,त्रिपिटक,बाइबल, अमूल्य निधि हुन्

नेपालीलाई, नियममा बाँध्ने ,उत्तम विधि हुन् ।

संस्कृति हाम्रो, अमूल्य कुरा, सिकाउँछ बहुतै

एकता, मैत्री ,शान्ति र विकास,सिर्जना  दुरुस्तै ।

अतिथिलाई, देवता ठान्ने,छ हाम्रो  संस्कृति

ऐँचो र पैँचो, मेला र पात ,छैन नि विकृति ।

पुर्खाको नासो ,संस्कृति हाम्रो , हो ठुलो  धरोहर

एक अर्काको ,भावना बुझौँ, जोगाऔँ बरोबर  ।