काठमाडौं चावहिल स्थित ॐ हस्पिटल एण्ड रिसर्च सेन्टर प्रा.लि र काठमाडौं धुम्वाराही स्थित भण्डारी सेवा समाज, नेपाल बिच उपचार सेवामा छुट प्रदान गर्ने सम्झौता भएको छ ।
ॐ हस्पिटलका तर्फवाट ॐ हस्पिटल संचालक समितिका अध्यक्ष तथा सिनियर कन्सल्ट्यान्ट रेडियोलोजिष्ट डा. आनन्द प्रसाद श्रेष्ठको उपस्थितिमा ॐ हस्पिटलमा आज एक कार्यक्रमका बिच ॐ हस्पिटलमा प्रमुख कार्यकारी अधिकृत यम बहादुर महत र भण्डारी सेवा समाजका अध्यक्ष बिर बहादुर भण्डारीले सम्झौता पत्रमा हस्ताक्षर गर्नुभएको छ ।
सम्झौतामा भण्डारी सेवा समाजका सदस्यहरु अस्पतालमा भर्ना भई उपचार गर्नुपरेमा समाजबाट प्रेशित सदस्यहरुको नामावली तथा आधिकारिक ब्यक्तिको सिफारिसका आधारमा बिशेष छुट प्रदान गरिने जनाइएको छ।
समारोहमा ॐ हस्पिटलका तर्फबाट अस्पताल संचालक समिति सदस्य तथा सिनियर कन्सल्ट्यान्ट गाइनेकोलोजिष्ट प्रा.डा.जागेश्वर गौतम, मेडिकल डाइरेक्टर तथा सिनियर कन्सल्ट्यान्ट डेन्टल सर्जन डा. हरिश जोशीको समेत उपस्थिति थियो ।
भण्डारी सेवा समाजका तर्फबाट समाजका संरक्षक जिवन कुमार भण्डारी, संगठन बिभाग प्रमुख कुमार भण्डारी, सामाजिक उत्तरदायित्व बिभाग प्रमुख रामकाजि भण्डारी लगायतका सदस्यहरुको उपस्थिति थियो ।
नेपालको निजी क्षेत्रवाट सञ्चालित ॐ हस्पिटलले तीन दशक अधिदेखि निरन्तर स्तरिय स्वास्थ्य उपचार सेवा प्रदान गर्दै आइरहेको छ । एकै छानामुनी आकस्मिक उपचार देखी सघन उपचार सम्मका सेवाहरु साथमा पेन मेडिसिन लगायत अन्य ३७ वटा भन्दा बढी विशिष्टिकृत विशेषज्ञता सेवा उपलब्ध गराउँदै आईरहेको छ ।
नेपालमा पहिलो आइ.भि.एफ. सेवा शुरु गरेको ॐ हस्पिटलले मातृशिशु सेवा, मुत्ररोग, मिर्गौलारोग र अर्बुदरोग उपचारमा नेपाल सरकारसँग सहकार्य गरी सहुलियत सहितको उपचार सेवा प्रदान गर्दै आइरहेको छ । स्वास्थप्रति जागरुक सबैकालागि हुने भिन्न भिन्न स्वास्थ्य परिक्षण प्याकेजहरु मार्फत नियमित स्वास्थ्य परिक्षण, परामर्श तथा उपचार सेवाहरु समेत ॐ हस्पिटलमा उपलब्ध छ ।
