राष्ट्रिय प्रजातन्त्र पार्टी (राप्रपा) का वरिष्ठ नेता प्रतिनिधि सभा सदस्य, संघीय सांसद तथा पूर्वमन्त्री दीपक बोहराको ७४ वर्षको उमेरमा निधन भएको छ ।
आज बिहान ९ बजे घरमा नै अचेत भएपछि उहाँलाई तत्काल काठमाडौं चावहिल स्थित ॐ हस्पिटलको आकस्मिक उपचार कक्षमा पुर्याइएको थियो । परिक्षणका क्रममा चिकित्सकहरुले उहाँलाई मृत घोषित गर्नुभएको थियो ।
गत २०७७ साल जेठमा कोरोना भाइरसबाट संक्रमित भएपछि बोहराको स्वास्थ्यमा समस्या देखिएको थियो । संक्रमणको केही समयपछि उहाँलाई पोस्ट-कोभिड लक्षणहरू लेखिएको थियो । स्वरमा परिवर्तन र समस्या देखिएकाले उहाँ चुनावी प्रचारमा समेत बोल्न नसक्ने अवस्थामा हुनुहुन्थ्यो ।
नेपालको राजनीतिमा झन्डै ४ दशकदेखि राप्रपामा क्रियाशील बोहोरा पछिल्लो समय घरमै स्वास्थ्य लाभ गरिरहनु भएको थियो । बोहरा २०७० सालमा रुपन्देही निर्वाचन क्षेत्र नम्बर ३ बाट विजयी संघीय सांसद हुनुहुन्थ्यो ।
उहाँ २०३६ सालमा रुपन्देहीबाट राष्ट्रिय पञ्चायत सदस्यमा निर्वाचित हुनुभएको थियो । २०४२ सालमा पनि राष्ट्रिय पञ्चायत सदस्यमा विजयी हुनु भएको थियो ।
। सफल नेपाल
