थ्री स्टार क्लब सहिद स्मारक ए डिभिजन लिगको शीर्ष तीनमा उक्लेको छ । मंगलबार भएको खेलमा न्यु रोड टिम (एनआरटी) लाई १–० गोल अन्तरले पराजित गर्दै शीर्ष तीनमा पुग्न सफल भएको हो ।
एन्फा कम्प्लेक्समा भएको खेलमा थ्री स्टारलाई जित दिलाउन दिपेश घरेलले निर्णायक गोल गरे । पहिलो हाफ गोल रहित बराबरी सकिएको खेलको ७७ औँ मिनेटमा दिपेशले गोल गर्दै थ्री स्टारलाई महत्वपूर्ण तीन अंक दिलाए ।
जितसँगै थ्री स्टार अंक तालिकाको शीर्ष तीनमा उक्लेको छ । १२ खेल खेलेको थ्री स्टार २९ अंक सहित तेस्रो स्थानमा छ । चौथो स्थानको मनाङको २८ अंक छ । मनाङले एक खेल कम खेलेको छ । पराजित एनआरटी १५ अंक सहित तालिकाको आठौं स्थानमा छ । –रासस
