स्कुलमा शिक्षकले पनि बच्चाको स्वास्थ्य कस्तो छ। त्यसमा ध्यान दिनुपर्छ। किनभने अभिभावकलाई स्कुलमा बच्चा पठाएपछि अब यति घण्टाको लागि ढुक्क भयो अब काममा जान्छु भन्ने हुन्छ। त्यसैले रोगी बच्चालाई छुट्टै राख्यो भने यो रुघाखोकी धेरै सर्दैन। रुघाखोकीमा सकेसम्म घरेलु उपचारमा ध्यान दिने र सामान्य तापक्रममा राख्ने गर्नुपर्छ। त्यो गर्दा पनि रुघा लाग्ने समस्या कम हुन्छ। ज्वरो आयो भने चाहिँ चिकित्सकको सल्लाहमा औषधि चलाउने गर्नुपर्छ।
चिसोमा नवजात शिशुको कसरी हेरचाह गर्ने ?
कोठामा २६ डिग्री तापक्रममा राख्ने, आगोमा भन्दा पनि हिटरको तातोमा तेल लगाउने गर्नुपर्छ। रुघाखोकी लागेको मान्छे आएर त्यो बच्चालाई नछोइदिने हो भने बच्चा स्वस्थ हुन्छ।
वरिष्ठ वालरोग विशेषज्ञ डा. सिंह काठमाडौंको चावहिलस्थित ॐ हस्पिटल एण्ड रिसर्च सेन्टरमा कार्यरत हुनुहुन्छ ।
