प्रधानमन्त्री केपी शर्मा ओलीले मन्त्रिमण्डलका सबै मन्त्री तथा राज्यमन्त्रीहरूलाई बालुवाटार बोलाउनुभएको छ । शनिबार साँझ साढे सात बजेपछि सबै मन्त्रीलाई बालुवाटार बोलाइएको प्रधानमन्त्रीका प्रेस सल्लाहकार सूर्य थापाले जानकारी दिनुभयो ।
बैठकको कुनै निश्चित एजेण्डा नभए पनि समसामयिक विषयमा छलफल गर्न प्रधानमन्त्रीले मन्त्री सबैलाई बालुवाटारमा बोलाउनुभएको प्रेस सल्लाहकार थापाले बताउनुभयो । पछिल्लो समय पार्टी भित्रबाटै प्रधानमन्त्रीको राजीनामा माग भएपछि नयाँ राजनीतिक घटनाक्रम विकसित भइरहेका छन् ।
