लोकप्रिय गीतकार रमेश दहालको शब्द रहेको ‘मिल्टेरीको जुत्ता’ सार्वजनिक भएको छ।
डान्सिङ बिटको यो गीत रमेश दहालले लिपिवद्ध गर्नुभएको हो भने यसलाई पवन गिरीले स्वरवद्ध गर्नुभएको छ । टिका दहालले संगीतवद्ध गर्नुभएको यस गीतलाई उदय राज पौडेलले संगीत संयोजन गर्नुभएको छ।
गीतको म्युजिक भिडियोमा चर्चित जोडी सरोज अधिकारी र आश्मा विश्वकर्माले अभिनय गर्नुभएको छ। गम्भीर बिष्टको कोरियोग्राफी रहेको भिडियोलाई अर्जुन तिवारी र टिमले छायांकन गरेक हो। जीवन थापाको सम्पादनमा तयार भएको भिडियो हास्य टेलिश्रृंखला सक्किगोनिका ‘काकु’ कलाकार दिपक आचार्यले निर्देशन गर्नुभएको हो । नेपाली सेनाको पोशाक र ब्यारेकको सेरोफेरोमा आधारित कथामा तयार गरिएको भिडियोलाई वाइड लेन्स प्रोडक्सन मार्फत सार्वजनिक गरिएको हो।
नेपाली लोकलय र समसामयिक घटनाका विषयमा गीत लेख्ने गीतकार रमेश दाहालले यसअघि सयौ लोकप्रिय गीत लेखिसक्नुभएको छ । उहाँका शब्दमा वरिष्ठ गायक दिप श्रेष्ठ , वरिष्ठ कलाकार मदनकृष्ण श्रेष्ठले स्वर दिइसक्नुभएको छ । त्यसैगरी नयाँ पुस्ताका गायक सञ्जीव पराजुली र टीका प्रसाईले समेत उहाँका गीत गाइसक्नुभएको छ। राम्रा गीत लेखेकै कारण दहाल थुप्रै अवार्डबाट सम्मानित हुनुभएको छ ।
उहाँले रेडियो नेपालको आधुनिक गीत प्रतियोगितामा उत्कृष्ट आधुनिक गीतकारको अवार्डसमेत हाँसिल गरिसक्नुभएको छ । हजारको हाराहारीमा गीत लेखेका रमेश नेपाली गीत–संगीतका अध्यता तथा अनुसन्धानकर्ता समेत हुनुहुन्छ । उहाँका दर्जनौ खोजमुलक लेखहरू समेत विभिन्न पत्रपत्रिकामा प्रकाशित भैसकेका छन् ।
भिडियो हेर्नुस् …
