प्रधानमन्त्री केपी शर्मा ओलीको कोरोना परीक्षण रिपोर्ट नेगेटिभ देखिएको छ ।
दैनिकजसो छलफल र भेटघाटमा व्यस्त रहनुहुने प्रधानमन्त्री ओलीको गत मङ्गलबार नै परीक्षणका लागि स्वाब सङ्कलन गरिएको थियो । प्रधानमन्त्रीको कोरोना परीक्षण रिपोर्ट बुधबार नै आएको प्रधानमन्त्रीका सञ्चार विज्ञ रामशरण बजगाईंले सफल नेपाललाई जानकारी गराउनु भएको हो ।
प्रधानमन्त्रीसँग नियमित सम्पर्कमा रहने अङ्गरक्षकसहित केही सुरक्षाकर्मीको पनि कोरोना परीक्षणका लागि स्वाब सङ्कलन गरिएको र सबैको रिपोर्ट नेगेटिभ आएको समेत बजगाईंले जानकारी दिनुभएको छ।
