नेपालमा पछिल्लो २४ घण्टामा कोरोना भाइरस (कोभिड १९) बाट ८३८ संक्रमित भएका छन् ।
नियमित प्रेस ब्रिफिङमा शुक्रबार स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले जानकारी दिएअनुसार देशभरका प्रयोगशालामा १३५७९ को पीसीआर परीक्षण गर्दा ८३८ संक्रमित भेटिएका हुन् ।
२४ घण्टामा २१४ डिस्चार्ज भएका छन् । हालसम्म १८२१४ जना कोरोनामुक्त भएका छन् ।
काठमाडौं उपत्यकामा २०८ जना संक्रमित थपिएका छन् । तीमध्ये काठमाडौंमा १४२ ललितपुरमा २५ र भक्तपुरमा १५ जना छन् ।
