कोभिड -१९ को महामारीका कारण लकडाउन भएयता कुनै नेपाली फिल्म प्रदर्शन भएका छैनन् ।
यसबीचमा कलाकारहरु म्युजिक भिडियाे तथा रियालिटि शाे व्यस्त रहेर त्यसबाट नाम र दाम दुबै कमाइरहेका छन । पछिल्ला दिनहरुमा नायक पुष्प खडका म्युजिक भिडियाेमा निकै ब्यस्त रहेका छन् ।
त्यसैगरी एक्सनस्टार रुपमा परिचय बनाएकी नायिका सुमि माेक्तान पनि म्युजिक भिडियाे तथा डान्सिङ रियालिटि शाे मा ब्यस्त रहेकी छन् । यी दुबै नायक नायिकाले पहिलाेपटक संगै अभिनय गरेकाे एउटा म्युजिक भिडियाे हालसालै सार्वजनिक भएकाे छ ।
माेटीघाटी मायाँ बाेलकाे सो गीतमा मेलिना राई र काेशिश क्षेत्रिकाे स्वर रहेकाे छ । भिडियाेकाे सुरुमा सुमिकाे एक्सनलाइ देखाइएकाे छ र दुइकाे दमदार नृत्य रहेकाे छ ।
गीतमा काेशिस क्षेत्रीकाे कम्पाेज लेखु सहयात्रिकाे शब्द र उदयराज पाैडेलकाे एरेन्जमेन्ट रहेकाे छ । त्यस्तै भिडियाेमा उत्तम हुमागाइकाे सिनेमाटाेग्राफी र रमेश थापाकाे सम्पादन रहेको छ । गीतमा सुरेन्द्र बस्यालको काेरियाेग्राफीमा हरि हुमागाँइले निर्देशन गरेका हुन् ।
पछिल्लाेपटक पुष्प फिल्म मारुनिमा देखिएकाे थिए । त्यसैगरि सुमि फिल्म सराैताेमा देखा परेकाे थिए । यी दुबै फिल्मले औषत व्यापार गर्न सकेका थिए । तरपनि सराैताेमा सुमिकाे एक्सन मारुनिमा पुष्पकाे अभिनयकाे तारिफ भएकाे थियाे ।
भिडियो हेर्नुस्ः
