उपत्यकामा आज थप एक हजार पाँच सय ३१ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयको आजको नियमित प्रेस व्रिफिङ्मा मन्त्रालयका प्रवक्ता प्रा.डा.जागेश्वर गौतमले दिनुभएको जानकारी अनुसार उपत्यकामा एक हजार पाँच सय ३१ जनामा कोरोना भाइरसको सङ्क्रमण पुष्टि भएको हो ।
सङ्क्रमित हुनेहरूमा काठमाडौँमा एक हजार एक सय ७८, ललितपुरमा दुई सय पचास जना र भक्तपुरमा एक सय तीन जना गरी आज उपत्यकामा थप एक हजार पाँच सय ३१ जनामा कोरोना सङ्क्रमण पुष्टि भएको मन्त्रालयका प्रवक्ता प्रा.डा. गौतमले जानकारी दिनुभयो ।त्यसै गरी आज देशभर नौ सय ३७ जना महिला र एक हजार पाँच सय तीन पुरुष गरी दुई हजार चार सय ४० जनामा कोरोना भाइरसको सङ्क्रमण पुष्टि भएको छ ।
योसँगै नेपालमा कोरोना सङ्क्रमितको कुल सङ्ख्या ८९ हजार दुई सय ६३ पुगेको छ ।त्यस्तै आज देशभर आज एक हजार एक सय ३३ जना कोरोना भाइरसको सङ्क्रमणबाट निको भई डिस्चार्ज भएका छन् ।
कोरोना भाइरस सङ्क्रमणबाट निको भई डिस्चार्ज हुनेको कुल सङ्ख्या ६५ हजार दुई सय दुई जना रहेको मन्त्रालयका प्रवक्ता प्रा.डा. गौतमले जानकारी दिनुभयो ।
