आज थप २ हजार ७ सय ५३ जनामा कोरोना संक्रमण पुष्टि भएको छ ।
मुलुकका विभिन्न प्रयोगशालामा १० हजार ४ सय २३ नमूना परिक्षण गर्दा १ हजार ७७ पुरुष र १ हजार ६ सय ७६ महिलामा गरी २ हजार ७ सय ५३ जनामा कोरोना संक्रमण पुष्टि भएको स्वास्थ्यतथा जनसंख्या मन्त्रालयले जनाएको छ ।
आज काठमाडौमा १ हजार २ सय ९४ जना भक्तपुरमा ७७ जना र ललितपुरमा १ सय ४१ जना गरी उपत्यकामा मात्रै १ हजार ५ सय १२ जना संक्रमित थपिएका छन् ।
नेपालमा हाल सम्म १ लाख ९१ हजार ६ सय ३६ जनामा कोरोना भाइरस संक्रमण पुष्टि भइसकेको छ ।
आज देश भरमा गरी जम्मा ३५ हजार ४ सय ३५ जना कोरोनाका सक्रिय संक्रमित रहेको मन्त्रालयले जनाएको छ ।
मन्त्रालयले दिएको जानकारी अनुसार आज काठमाडौमा १५ हजार ४ सय ५५, ललितपुरमा २ हजार १ सय ९१ र भक्तपुरमा १ हजार २ सय १६ जना गरी काठमाडौ उपत्यकामा मात्रै १८ हजार ८ सय ६२ सक्रिय संक्रमित रहेका छन् ।
यसैगरी आज थप १७ जनाको कोरोना भाइरस संक्रमणका कारण मृत्यु भएको छ ।
यो संगै नेपालमा हाल सम्म कोरोनाका कारण मृत्यु हुनेको कूल संख्या १ हजार ८७ पुगेको स्वास्थ्य तथा जनसंख्या मन्त्रालयले जनाएको छ ।
यस्तै आज २ हजार २ सय ६ जना कोरोना संक्रमण मुक्त भए पछि निको हुनेको कूल संख्या १ लाख ५५ हजार १ सय १४ पुगेको स्वास्थ्य तथा जनसंख्या मन्त्रालयले जनाएको छ ।
संक्रमितहरुमध्ये होम आइसोलेशनमा २८ हजार ९ सय २० जना रहेका छन् भने ३ सय ६५ जनाको आई.सि.युमा र ७६ जनाको भेन्टीलेटरमा राखेर उपचार भैरहेको मन्त्रालयले जनाएको छ ।
