~शोभा पाण्डेय /सिलवाल
मध्यावधि चुनाव भन्देै हिँडे नेता मिति तोकी
मध्यावधि चुनाव भन्देै हिँडे नेता मिति तोकी
के नाकले भोट माग्न अब हाम्रो दैलो आउँछौ ?
बुझी सके जनताले नङ्ग्याउँदा चाल पाउँछौ ।
कोरोनाको बहानामा गरिब श्रमिकको काम खोसियो
वृद्ध बा ,आमा , श्रीमती र सन्तानको मुख मोसियो ।
लाज छैन शङ्कर पोखरेल,तिम्रो हुर्मत कता गयो ?
कुलमानले हटाएको लोडसेडिङ के पी बाले भन्नुभयो ।
अर्थतन्त्रमा पहिले कोरोना त ,अहिले सरकार लागी रै छ
बाहिर लडे पनि देशको ढुकुटी भने मिलिजुली खाइँदै रैछ ।
एक अर्कालाईआरोप लाउँदै यिनका दिन बितिराछ
स्वेच्छाले जे गर्दा नि , सत्ता भत्ता पेवा भाछ ।
सांसद सचिवालयमा अविश्वासको प्रस्ताव दर्ता
सभामुखलाई विवादमा ल्याउँदा ,पर्यो भन्छन् धेरै मर्का ।
पुतलीको खेल जस्तो हाम्रो देशको कस्तो शासन ?
मनोमानी गर्नेहरू तीन करोड जनताका अभिभावक भाछन् ।
राणा शासन भन्दा पनि वली शासन आयो कडा
पञ्चायत निरङ्कुश भन्थे ,त्यो भन्दा अहिले बडा ।
उडुस र उपियाँ जस्तै सरकार जनताको रगत चुस्ने
पाइलै पिच्छे करको भारले जनताको ढाड सेक्ने ।
