आज १ सय ४ जनामा कोरोना भाइरस संक्रमण पुष्टि भएको छ ।
देशभर ३ हजार ४ सय ८८ वटा नमुनाको परीक्षण गर्दा ५८ पुरुष र ४६ महिलामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यो सँगै नेपालमा हालसम्म कोरोना भाइरसबाट संक्रमित हुनेको सङ्ख्या २ लाख ७४ हजार ९ सय ७३ पुगेको छ ।देशभर रहेका सक्रिय सङ्क्रमित मध्ये ३९ जना आइसियु र ६ जनाको भेन्टिलेटरमा उपचार भइरहेको मन्त्रालयले जनाएको छ ।
यस्तै आज ६३ जना कोरोना सङ्क्रमणबाट निको भएका छन् । यो सँगै हालसम्म सङ्क्रमणबाट निको हुनेको सङ्ख्या २ लाख ७१ हजार ५० पुगेको छ ।तथ्याङ्क अनुसार ९८ दशमलव ६ प्रतिशत संक्रमित निको भइसकेका छन् ।
