आज थप ६० जनामा कोरोना भाइरस संक्रमण पुष्टि भएको छ ।
देशभर २ हजार ३ सय ६२ वटा नमूनाको परिक्षण गर्दा काडमाडौ उपत्यकामा ४४ सहित थप ६० जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
यो सँगै नेपालमा हालसम्म कोरोना भाइरसबाट संक्रमित हुनेको सङ्ख्या २ लाख ७५ हजार १ सय ७८ पुगेको छ ।
यस्तै आज ७२ जनामा कोरोना सङ्क्रमणबाट निको भएका छन् । यो सँगै हालसम्म सङ्क्रमणबाट निको हुनेको सङ्ख्या २ लाख ७१ हजार २ सय ४९ पुगेको छ ।
तथ्याङ्क अनुसार ९८ दशमलव ६ प्रतिशत संक्रमित निको भइसकेको स्वास्थ्य मन्त्रालयले जनाएको छ ।
यस्तै आज थप २ जनाको कोरोना सङ्क्रमणका कारण मृत्यु भएको छ । यो सँगै हाल सम्म नेपालमा ३ हजार १४ जनाले कोरोना सङ्क्रमणका कारण ज्यान गुमाएको स्वास्थ्य तथा जनसङ्ख्या मन्त्रालयले जनाएको छ ।
