राष्ट्रिय प्रजातन्त्र पार्टीका अध्यक्ष कमल थापाले अन्तराष्ट्रिय सिनियर सर्किटको पहिलो खेलमा विजय भएका छन्।
चीनको सेन्जेन सहरमा आयोजित इटिएफ सेन्जेन अन्तराष्ट्रिय सिनियर सर्किटमा शनिबार अध्यक्ष थापाले चीनका ओउ सिहाङलाई ६–०, ६–० ले पराजित गर्दै बिजयी सुरुवात गरेका हुन्।
खेलका क्रममा उनले नेपाल भ्रमण वर्ष–२०२० लेखिएको जर्सी लगाएको राप्रपाका सहायक महामन्त्री राजाराम बर्तौलाले जानकारी दिए।
अध्यक्ष थापा प्रतियोगितामा भाग लिन शुक्रबार चीन पुगेका हुन्।
