श्रीलंकाविरुद्धको पहिलो टी–२० खेलमा घरेलु टिम अस्ट्रेलिया विजयी भएको छ।
अस्ट्रेलियाले ओपनिङ ब्याट्सम्यान डेभिड वार्नरको शतकमा श्रीलंकालाई आइतबार १३४ रनको फराकिलो अन्तरले पराजित गरेको हो।
एडिलेडमा पहिले ब्याटिङ गरेको अस्ट्रेलियाले २ विकेटको क्षतिमा २३३ रनको फराकिलो योगफल खडा गर्यो।
अस्ट्रेलियाका लागि वार्नरले नटआउट १०० रन जोडे। उनले ५६ बलमा १० चौका र ४ चौका हिर्काए।
कप्तान तथा ओपनर आरोन फिञ्चले ६४ रन जोड्दा ग्लेन म्याक्सवेलले २८ बलमा ७ चौका र ३ छक्का हिर्काउदै ६२ रन बटुले।
२३४ रनको लक्ष्य पछ्याएका श्रीलंकाले ९ विकेटको क्षतिमा ९९ रन मात्र जोड्न सक्यो।
श्रीलंकाका लागि डासुन सनकाले सबैभन्दा बढी १७ रन जोडे।
श्रीलंकाको इनिङ सस्तैमा समेट्ने क्रममा अस्ट्रेलियाका एडम जाम्पाले ३ विकेट लिए। मिचेल स्टार्क र पाट कमिङ्ग्सले २–२ विकेट लिए।
