नेपालमा आइतबार थप २ हजार ४ सय ४२ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयको नियमित मिडिया व्रिफिङ्मा मन्त्रालयका डा प्रवक्ता डा कृष्णप्रसाद पौडेलले पिसिआर परीक्षणबाट १ हजार ४ सय २१ जना तथा एन्टिजेन परीक्षण बाट १ हजार २१ जनामा संक्रमण पुष्टि भएको जानकारी दिनुभयो ।
प्रवक्ता डा पौडेलले दिनुभएको जानकारी अनुसार ६ हजार ६ सय ७७ नमुनाको पिसिआर तथा ४ हजार २ सय ४९ नमूनाको एन्टिजेन परीक्षण भएको छ भने संक्रमण पुष्टि हुने दर २१ दशमलव ३ प्रतिशत रहेको छ ।
यस्तै थप ३ हजार ४ सय ५६ जना कोरोना भाइरस संक्रमण मुक्त भएका छन् । यो सँगै नेपालमा हाल सम्म कोरोना संक्रमण पुष्टि भई निको हुनेको कूल सङ्ख्या ५ लाख ५६ हजार ७ सय ९८ पुगेको छ भने निको हुने दर ८९ दशमलव ६ प्रतिशत रहेको स्वास्थ्य तथा जनसङ्ख्या मन्त्रालयले जनाएको छ ।
यस्तै थप ५१ जनाको मृत्यु भएपछि कोरोनाका कारण मृत्यु हुनेको कूल सङ्ख्या ८ हजार ७ सय २६ पुगेको छ ।
यसैगरी देशभर गरी ५५ हजार ५ सय ३२ जना कोरोनाका सक्रिय संक्रमित हरेका छन् ।
सक्रिय सङ्क्रमितमध्ये ५१ हजार ८ सय ३३ जना होम आइसोलेसन तथा बाँकी ३ हजार ६ सय ९९ जना विभिन्न अस्पताल तथा संस्थागत आइसोलेसन सेन्टरहरूमा रहेको स्वास्थ्य तथा जनसङ्ख्या मन्त्रालयका प्रवक्ता डा. कृष्णप्रसाद पौडेलले बताउनुभयो ।
