आज देशभर कोरोना भाइरसबाट २ हजार ३ सय ७० जना संक्रमित भएका छन् ।
७ हजार ६ सय ८९ वटा नमुनाको पिसिआर विधिबाट परिक्षण गर्दा १ हजार ६ सय ९० जना तथा ३ हजार ८ सय ९५ वटा नमुनाको एन्टीजेन विधिबाट परिक्षण गर्दा ६ सय ८० जना गरी जम्मा २ हजार ३ सय ७० जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
देशभरबाट गएको २४ घण्टामा १ हजार १ सय ३३ जना कोरोना सङ्क्रमणबाट निको भएर घर फर्किएका छन् । यो सँगै कोरोना सङ्क्रमणबाट अहिलेसम्म ६ लाख २१ हजार २७ जना निको भएका छन् ।
आजसम्मको तथ्याङ्क अनुसार नेपालमा कोरोना भाइरसबाट निको भएको दर ९४ दशमलव ५ प्रतिशत रहेको मन्त्रालयले जनाएको छ ।
देशभरि आज कोरोना सङ्क्रमणबाट १८ जनाको मृत्यु भएको मन्त्रालयले जनाएको छ । यो सँगै कोरोना सङ्क्रमणबाट मृत्यु हुनेको सङ्ख्या ९ हजार ४ सय पुगेको स्वास्थ्य तथा जनसङ्ख्या मन्त्रालयले जनाएको छ ।
