प्रधानमन्त्री शेरबहादुर देउवा र भारतीय समकक्षी नरेन्द्र मोदीबीच सोमबार टेलिफोनमा कुराकानी भएको छ ।
प्रधानमन्त्री देउवा र मोदीबीच टेलिफोनमा भएको कुराकानीमा द्विपक्षीय सम्बन्धलाई थप सुदृढ बनाउने बारे छलफल भएको प्रधानमन्त्री देउवाले आफ्नो सामाजिक सञ्जालमार्फत जानकारी दिनुभएको छ ।
फोन वार्तामा भारतीय प्रधानमन्त्री मोदीले नेपाललाई कोभिड–१९ विरुद्धको भ्याक्सिन दिने आश्वासन दिनुभएको पनि प्रधानमन्त्री देउवाले उल्लेख गर्नु भएको छ ।
