५ सय १ सङ्क्रमणमुक्त, १३ सङ्क्रमितको मृत्यु
देशभरि आज ७ सय ७६ जना कोरोना संक्रमित थपिएका छन् ।
१० हजार ८ सय ६४ नमुनाको परीक्षण गर्दा ७ सय ७६ संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको हो ।
गएको २४ घण्टामा ५ सय १ जना कोरोना सङ्क्रमणबाट मुक्त भएका छन् । मन्त्रालयको तथ्याङ्क अनुसार कोरोनाबाट निको भएको दर ९७ दशमलव ३ प्रतिशत छ ।
आज कोरोना सङ्क्रमणबाट १३ जनाको मृत्यु भएको मन्त्रालयले जनाएको छ । यो सँगै कोरोना सङ्क्रमणबाट मृत्यु हुनेको सङ्ख्या ११ हजार ३ सय ६१ पुगेको छ ।
देशभर १० हजार ३ सय ६० जना कोरोनाका सक्रिय सङ्क्रमितले होम तथा संस्थागत आइसोलेसनमा रहेर उपचार गरिरहेका छन् ।
