बुधवार देशभर ३ सय ३२ जनामा कोरोना भाइरसको संक्रमण पुष्टि भएको छ ।
९ हजार ९ सय २० नमुनाको पिसिआर तथा एन्टीजेन परीक्षण गर्दा ३ सय ३२ जनामा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
२ सय ३२ जना संक्रमण मुक्त भएका छन् । हालसम्म सङ्क्रमणमुक्त हुने दर ९७ दशमलव ७ प्रतिशत रहेको छ ।
सङ्क्रमणका कारण आज थप ४ जनाको मृत्यु भएको छ । यो सँगै नेपालमा सङ्क्रमणका कारण मृत्यु हुनेको सङ्ख्या ११ हजार ५ सय १३ पुगेको छ ।
देशभर १ लाख ४७ हजार २ सय ६२ जनाले कोरोना विरुद्धको खोप लगाएको मन्त्रालयले जनाएको छ ।
यस्तै स्वास्थ्य मन्त्रालयले यही मङ्सिर ७ र ८ गते काठमाडौँ महानगरपालिकाको ३२ वटै वडामा एस्ट्राजेनिकाको पहिलो मात्रा खोप र भेरोसेलको पहिलो र दोस्रो मात्राको खोप लगाइने जानकारी दिएको छ ।
लक्षित जनसङ्ख्यालाई खोप लगाइने अभियान अन्तर्गत १८ वर्ष माथिका नागरिकलाई खोप लगाउन मन्त्रालयले आग्रह गरेको छ ।
मन्त्रालयका अनुसार वाग्मती प्रदेशमा सबैभन्दा बढी ७० प्रतिशतले खोप लगाएका छन् ।
