देशभर थप २ सय ३६ जनामा कोरोना संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
९ हजार १ सय ७८ नमुनाको पिसिआर तथा एन्टीजेन परीक्षण गर्दा २ सय ३६ जनामा संक्रमण पुष्टि भएको हो ।
यस्तै, आज ३ सय ७ संक्रमित निको भएका छन् । कूल संक्रमित मध्ये ९७ दशमलव ९ प्रतिशत संक्रमित निको भइसकेका छन् ।
आज संक्रमित एकको मृत्यु भएको छ । योसँगै नेपालमा कोरोना सङ्क्रमणका कारण मृत्यु हुनेको सङ्ख्या ११ हजार ५ सय ५३ पुगेको छ ।
आज देशभर २ लाख ६६ हजार ९ सय ८८ जनाले कोरोना विरुद्धको खोप लगाएको मन्त्रालयले जनाएको छ ।
