प्रतिनिधि सभाको आजको बैठकमा “विद्युत् विधेयक २०८०” पेश भएको छ ।
बैठकमा ऊर्जा, जलस्रोत तथा सिँचाई मन्त्री शक्तिबहादुर बस्नेतले “विद्युत् विधेयक, २०८०” पेश गर्नुभयो ।
यस अघि “विद्युत् विधेयक, २०८०” लाई प्रस्तुत गर्न अनुमति माग्ने प्रस्तावमाथि सांसद प्रेम सुवालबाट प्राप्त विरोधको सूचनालाई बैठकको बहुमतले अस्वीकृत गरेको थियो ।
यसैगरी, प्रतिनिधि सभाको आजको बैठकले प्रतिनिधि सभाका पूर्व सदस्य खेमराज भट्ट मायालुको निधन शोक प्रस्ताव पारित गरेको छ ।
बैठकले पूर्व सामान्य प्रशासन मन्त्री समेत रहनु भएका नेपाल कम्युनिष्ट पार्टी (माओवादी केन्द्र) का केन्द्रीय सल्लाहकार, वि.सं. २०५६ सालमा नेपाली काँग्रेसको तर्फबाट बर्दिया क्षेत्र नं. ३ बाट प्रतिनिधि सभा सदस्यमा भट्टको निधनमा शोक प्रस्ताव पारित गरेको हो ।
स्वर्गीय भट्टको यही असोज ४ गत फोक्सोको क्यान्सर रोगको उपचारको क्रममा ७३ वर्षको उमेरमा निधन भएको थियो ।
प्रतिनिधि सभाको अर्को बैठक भोली बिहान ११ बजे बस्ने छ ।
