प्रधानमन्त्री पुष्पकमल दाहालले विराट एक्स्पोको उद्घाटन गर्दैछन् ।
हिजो साँझ विराटनगर आइपुगेका प्रधानमन्त्री प्रचण्डले आजबाट विराटनगरमा सुरु हुने विराट एक्स्पोको उद्घाटन गर्नेछन् ।
साथै सो अघि बिहान १० बजे सुनसरीको इनरुवामा विद्युत् प्रसारण लाइनको उद्घाटन गर्ने र दिउँसो मोरङको मिक्लाजुङमा नेकपा माओवादी पार्टीको रुपान्तरण अभियान अन्तर्गत आयोजना गरिएको सभालाई सम्बोधन गर्नेछन् ।
मुलुकको आर्थिक मन्दीबाट बाहिर ल्याउन उल्लेख्य भूमिका खेलेको औधोगिक नगरी विराटनगरलाई थप आर्थिक रुपमा बलियो बनाउन र आर्थिक क्रियाकलाप चलायमान बनाउने उद्देश्यका साथ विराटनगरमा आजबाट सुरु हुने व्यापार मेलाको आयोजना गरिएको आयोजकले जनाएका छन् । विराटनगर–२ स्थित शंकरपुर मार्गमा सुरु हुने ‘विराट ट्रेड एक्स्पो–२०२३’ मेला आगामी पुस १६ गतेसम्म जारी रहनेछ ।
आयोजकका अनुसार सो एक्स्पोमा स्वदेशी तथा विदेशीसमेत गरी कुल २४० वटा स्टल रहने छन् । रासस
