भारतको औपचारिक भ्रमणका क्रममा नयाँ दिल्लीमा रहनुभएका परराष्ट्र मन्त्री डा.आरजु राणा देउवा र भारतीय समकक्षी विदेशमन्त्री एस.जयशङ्करबीच आज नयाँ दिल्लीमा भेटवार्ता भएको छ ।
सो अवसरमा भारतीय विदेशमन्त्री एस.जयशङ्करले मन्त्री डा राणालाई स्वागत गर्नुभएको थियो । भेटका क्रममा उहाँहरुबीच द्विपक्षीय हित, नेपाल– भारत सम्बन्धका विविध पक्ष, आपसी सहयोग आदानप्रदान र सहकार्यबारे छलफल भएको छ ।
भारतीय विदेश मन्त्री एस.जयशङ्करको निमन्त्रणामा मन्त्री डा राणा भारतको औपचारिक भ्रमणका लागि आइतबार नयाँ दिल्ली पुग्नुभएको हो । यो उहाँ परराष्ट्र मन्त्री नियुक्त भएपछिको पहिलो विदेश भ्रमण हो ।
परराष्ट्र मन्त्री डा.राणा यही भदौ ६ गते स्वदेश फर्कनुहुने कार्यक्रम छ । रासस
