अन्तर्राष्ट्रिय फ्रेन्चाइजी प्रतियोगिताहरुमा सन्दीप लामिछाने अनिवार्य सदस्य बनिसकेका छन् ।
सन्दीप अहिले अष्ट्रेलियामा जारी बिग बास लिग (बीबीएल) मा उत्कृष्ट प्रदर्शन गरिरहेका छन् । उनी आवद्ध टीम मेलबर्न स्टारले खेलेको सात मध्ये ६ खेल्दै ६ विकेट नै लिएका सन्दीपले एक खेल भने घाइते भएकाले गुमाएका थिए ।
बुधबार दिउँसो १ः५५ बजे सिड्नी थन्डर विरुद्ध सन्दीपले बलिङ गरिरहेका छन् । यो खेलमा भने सन्दीपले नेपाल भ्रमण वर्ष २०२० को प्रचार गरेका छन् । उनले लगाएको जुत्तामा नेपाल भ्रमण वर्ष २०२० लेखिएको छ ।
जारी खेलमा सन्दीपले नेपाल भ्रमण वर्षलाई प्रचार गर्नेगरी सेलिब्रेसन समेत गरिरहेका छन् । यसअघि सन्दीपले विकेट लिए पछि हात जोडेर नमस्ते शैलीमा सेलिब्रेसन गरेका छन् ।
सन्दीपको टीम मेलबर्नले ६ खेलबाट पाँच जित सहित १० अंक जोडेको छ ।
